JustThink#142

4th April,2025...03:54 PM

Doper ki aadhi nind se jab bhi uth ta hu toh sab negative thoughts aane lagte hai...sab reality check ek saath hone lagta hai...pure hafte ekdum smooth jayega bas ye weekend par pura din jab biina kuchkaam kiye jaata hai to bohot uneasy feel deta hai..

Karib 4 baar blog ki shuruwat krte krte reh gaya pichle 4 mahino mai...ab jaakar mann aur time dono mila to write something...

Jis massagewala brand ke saath side income kama raha tha uss brand vale ne haath khade kardiye...ye kehkar ki mai content scheduling sahi se nahi kar raha hu...jo ki sahi baat bhi hai

Bas mann nahi karta tha ki apna best du vo bhi sirf 5k ke liye...usme bhi brand ne penalties lagana shuru kardiya tha jabki ve khhud mujhe pichle 1.5 saal se 5k par kaam karva rahe hai, jaha unka pura short form content ko mene revamp kiya aur team ko bhi manage kiya...

Har month ka stipend deri se deneke baad jab tumse expect kia jaye ki tum time par kaam karke do...to lagta hai kuch to galat hai...

Gaav jane ke din unka mail ki vo kisi aur ko handover karna chahte hai aur mene unko haa kehkar pure trip mai unke mails ignore kiye...abh jab mujhe mera final amount chahiye to vo trip par chale gaye hai

Problem is ki mere paas abh koi bhi side income available nahi hai aur meri salary bhi same rahegi until october increment...sochta hu kuch khudka karu magar long run mai sochke saare ideas ko list out kardeta hu...

Increment hote hi dusre company mai switch karluga...uske liye ek course dekh rakha hu...automation testing jisse pichle 3 months se shuru karne ki koshish kar raha hu magar kuch na kuch distraction aajata hai aur mai bhul hi jaata hu ki mujhe course karna hai...


Mujhme abh koi passion nahi raha hai...bas go with the flow sochke chala jaraha hu...aur jo bhi situation aati hai bas accept karte hue aage badhta hu...ladne ka mann nahi krta

Magar ladna to hai...vo passion aur obsession laana hai jisse mai agle 2 saal mai kuch ache level par jaasaku...meri habits bilkul bhi align nahi hai mere future dreams se isiliye pehle uspar dhyan dete hue routine change karna hai...

Zillskill company ke saath mene ek internship ki thi jinke co founder abh bhi mujhe kuch na kuch freeelance kaam dete rehte hai...chota hi sahi magar mujhe orefer zarur krte hai...

Ek short form video jab mene unka edit kiya tab invoice mujhse mangte hue unhone pucha ki job ke alava kya karte ho...mene kaha ki ek brand ke saath side income chal rahi hai(juth)

unhone kaha ki ye sab to thik hai magar apne channel par kaam kab shuru karoge...mene kaha jald hi karuga...aakhir mai unhone mujhse kaha ki "apne khudke content par kaam karna band mat karna kabhi" jisse sunke mene samja ki kese abh bhi sir mere potential par yakeen karte hai aur encourage karte hai...

sach kahu to mujhe bohot priveleges mile hai...in terms of people and opportunities...bas kahi na kahi mene importance sahi jagah nahi di...bas apna vaqt aur energy unn chizo par zaaya kiya jo ki uss vaqt zaruri nahi thi...

Mujhe kai logo encourage karte hai...mere ofc ke collegues jinhone mera kaam thoda bohot dekha hai...bas baat ye hai ki me abh risk nahi lesakta hu...jis bhi project par kaam karuga uska result 100% hona chahiye...gurantee ke saath 

Jo ki content creation mai possible nahi hai isiliye har baar content par kaam karte karte rukh jaata hu....sach to ye bhi hai ki mai likhna, edit karna ya design karna bhul chuka hu....corporate majduri sachme exhausting hai...stable income ke alava kuch nhi deti

Bas tumhara time aur energy khate rahegi jab tak tum job ke alava kuch aur kar hi na sako...specially indians to world ke best majdur hai...yaha na work life balance hai aur na hi kisiko interest hai balance dene mai... 

kaam karate raho ki kyuki indians to kaam karege hi option nahi hai humare paas...na izzat hai humari...pata nahi kitne logo ke potential waste hue hoge iss corporate system ki vajah se....

Bolne jaau to shayad ek book likhdu...

shayad sachme ek book likhdu?!?

chodo bas ideas aata rehte hai magar mai kabhi unhe sahi se pure nahi karta...koshish karege jab tak possible hai ya fir jo mile life se vo accept krlege...

Lets see until next time...hope for the best!!