JustThink#110

13th April,2024...10:47 pm

5 minute hogaye blog ko shuru kare aur bas ghoor raha hu laptop ki screen ko, ye sochte hue ki kya likha jaaye? Pure din mai kya hua ye likhu ya pure din mai dimag mai kya chal raha tha ye likhu..?

Real life love stories ki 2 books padhne ke baad socha thoda ye love shove ke alava kuch padha jaaye jaha meri nazar biographies ki list par padhi jo me internet par search karte hue dekh raha tha...

Uss list mai dekha ek naam jo mujhe mere 11th std ke vaqt ki yaad dilane laga jab college mai enter karte hue mai apne friends ke saath first lecture mai hone vale checkings par discuss kar raha tha...

Pehla lecture shuru hote hi humare college mai announcement hui jisme mam ne humare saath ek sad news share ki...27th July,2015 APJ Abdul Kalam ji ki death news aayi jaha hum sab shock mai the

IIM Shilong mai lecture dete hue stage par kalam ji ko cardiac arrest aaya...humari generation ne kalam ji ka naam bas books mai hi padha hoga...kam hi log hoge jinhe unki zindagi ke baare mai pata ho

Sach kahu to mujhe bhi nahi pata...bas 10th class ke ek lecture yaad hai mujhe jaha humare english teacher, pandey ji ne humare saath kalam ji ka ek incident share kiya tha

Unhone bataya tha ki abdul kalam, ek fighter pilot banna chahte the jiske liye unhone Indian airforce ke exams bhi diye the magar pass na hosake

Pilot banne ka sapna tut janeke baad unhone hope nahi chodhi, balki ISRO aur DRDO ke exams dene ka decision liya jinke exams ko unhone asani se pass kiya aur india ke space organization se jud gaye...

Pandey ji ne jab ye kahani batayi tab mai bas 14 saal ka tha, kahani sunte hi mene soch liya tha ki kese bhi karke abdul kalam ji se life me ek baar to milna hi hai...

Shayad naseeb mai kuch aur likha tha, jab 2015 mai unki death news suni...laga ki ek simple wish thi vo bhi puri nahi hui...dukh to hua jab 2 minute ke liye puri college ke students unki shanti ke liye khade the aur missile man ko respect dete hue yaad kar rahe the...

Aaj jab uss website ki list mai kalam ji ki book "Wings of Fire" ka naam padha to sochne mai jyada vaqt nahi laga ki agle real life story mujhe kalam ji ki hi padhni hai...

Wings Of Fire, arun tiwari ne kalam ji ke saath milkar likhi jo ki ek well known scientist rahe hai...

Abh tak bas book ka introduction part padha hai...kal se hopefully kalam ji ki kuch nayi kahaniya aur kisse pata chalege...

Fir dekhte hai...agar mann hua to kuch likhkar yaha share bhi karlege...

.

.

.

.

Pehle 5 minute mujhe shuru karne mai lage aur abhi 2 minute bas ye sochne mai ki blog ko end kese karu...overthinking at its peak! Bye.